CEBU, Philippines - Ang Queen City United (QCU) ug Abellana National School (ANS) maoy mipatigbabaw sa ilang tagsa-tagsa ka dibisyon sa 6th San Roque Football Cup sa San Roque field sa Brgy. Subangdaku sa dakbayan sa Mandaue.
Nadepensahan sa QCU ang ilang titulo sa premiere men's open division human maka-eskapo gikan sa mga kamot sa S1 Football Club pinaagi sa penalty shootout, 3-2.
Sa laing bahin, ang ANS milangkat sa boys 17-under title human nila gipukan ang Inter-Cebu Football squad, 2-0 pinaagi gihapon sa penalty shootout.
Usa kadto ka tam-is nga panimalos alang sa ANS nga miyukbo ngadto sa Bright Academy sa elimination round.