Smith, Mier nidaog sa korona

CEBU, Philippines - Sa labing unang higayon, usa ka black American beauty nga si Apriel Smith sa Abellana National School-Night maoy nidaog sa Ms. Milo Little Olympics 2010 crown atol sa opening ceremonies kagahapon diha sa nagsugwak nga Cebu City Sports Center (CCSC).

Ang 14-anyos nga si Smith maoy napili isip labing maanyag nga muse gikan sa 28 ka tinun-an sa high school sa nagkalain-laing tunghaan sa Cebu City ug siya sab ang labing taas sa mga entrante nga adunay gitas-on nga 5-foot-9.

Uban ni Smith mao ang iyang first runner-up Orlane Quijada sa University of San Jose-Recoletos (USJ-R) ug second runner-up Ruby Tuesday Diez sa University of Cebu (UC)-main

campus.

This is the first time that a black American was chosen as the Ms. Milo Little Olympics and Smith was really deserving of the title because, she has the beauty and she really stand out among the other candidates with her towering height,” matud pa ni CCSC manager ug MLO organizer Ricky Ballesteros.

Sa laing bahin, si Shaira Nicole Gilbuena, 11-anyos, sa UC main mao sab ang misakmit sa elementary division title.

Si Kathryn Alexis Mier sa University of San Carlos-Basic Education mao ang 1st runner-up, samtang si Lyhlet Fiel Ruela sa USJ-R mao ang second runner-up.

Si Mier gibayaw isip Miss Personality ug si Selina Estrella sa Tejero Elementary School mao ang nidaog sa Best in Production Number award.

Ang Abellana National School mipupo sa tanang special awards sa secondary division -- Biggest Delegation, Best in Saludo, Most Discipline ug Loudest Cheer.

Sa elementary division, ang University of San Carlos (USC)-Basic Education mao ang nidaog sa Biggest Delegation ug Loudest Cheer, samtang ang Pardo Elementary School mao sab ang nidaog sa Best in Saludo ug Most Discipline.

Usa sa mga highlights sa opening mao ang cheerdance competition diin ang Colegio dela Immaculada Concepcion (CIC)-Cebu ug ang City Central School maoy milangkat sa titulo sa high school ug elementary divisions.

Ang runners up sa elementary division mao ang USJ-R ug CIC-Cebu, samtang ang ANS ug USC mao ang mipahiluna sa ikaduha ug ikatulo nga mga dapit. - BANAT NEWS