Lancers daug dayon

CEBU, Philippines - Usa ka dakung hulga ang gipadangat sa defending champion University of the Visayas (UV) Green Lancers batok sa uban pa nilang mga kaatbang, kini human nila way kukaluoy nga gimasaker ang Don Bosco Technology Center (DBTC) Greywolves, 91-48, sa opening game sa ilang collegiate match kagahapon diha sa Cebu Schools Athletic Foundation, Inc. (CESAFI) diha sa Cebu Coliseum.

Bisan pa man og wala na ang ilang sinaligan nga 6-foot-11 center nga si Gregory Slaughter, ang Green Lancers desidido gihapon nga ipadayon ang ilang kampaniya alang sa ika-10 nilang titulo sa CESAFI.

Ang rookie forward nga si RG Rios maoy nangulo sa opensiba sa iyang 16 puntos alang sa Lancers nga milusad og balanse nga atake batok sa Greywolves kinsa igo lang nakahimo og syete puntos sa kinatibuk-ang third period.

Si Jerome Silva mao ang laing Lancers nga mihimo og double-figures sa iyang 10 puntos, samtang si Airell Tirado mao ang nangulo sa samaran nga Greywolves pinaagi sa iyang 14 puntos.

Ang Lancers nakigsawo karon sa unang luna uban sa Cebu Institute of Technology (CIT) Wildcats nga milampos sa ilang opener batok sa University of Southern Philippines-Foundation (USP-F) Panthers, 76-74 niadtong Sabado.

Sa juniors division, napahamtangan og forfeiture ang UV junior lancers human wala sila katunga tungod kay wala kahibawo si coach Delfin Pepito sa schedule sa ilang duwa batok sa CIT Wildkittens.

Ang USPF Baby Panthers mikuniskunis usab sa USJR-Baby Jaguars, 69-64, sa pagpangulo sa mga sinaligan nga sila si Joshua Corcilles ug Rommel Diapera kinsa miposa og 20 ug 19 puntos matag usa.

Puntos matag usa:

Unang duwa (Jrs.):

CIT- win by forfeiture

Ikaduhang duwa (Jrs.):

USP-F (69) — Corcilles 20, Diapera 19, Gigante 12, Roble 6, Cavan 4, Cando 4, Pitogo 2, Metante 2,

USJR (64) — Rz. Senining 14, Viajar 14, Rl Senining 11, Garcia 7, Hermosilla 5, Ceniza 5, Barbosa 5, Subing-subing 2, Dela Peña 1

Seniors:

UV (91)— Rios 16, Silva 10, Villanil 8, Saycon 7, Avillanosa 7, Cincoflores 7, Delantar 7, Olivares 6, Calo 6, Lao 5, Mercader 5, Abad 5, Premacio 2

DBTC (48)— Tirado 14, Hernando 7, Puebla 4, Cinco 4, Pogoy 4, Echavez 4, Mabala 3, Aldave 2, Eraga 2, Dla Rama 2, Desucatan 2 (BANAT NEWS)