Lao Custome mipilde sa Teradyne sa Game-1

CEBU, Philippines - Giangkon sa Lao Custome ang Game-1 batok sa Teradyne sa Elle Lao Cup 2010 "best-of-three" finals series diha sa Brgy. Pusok gym sa dakbayan sa Lapu-Lapu.

Human magtabla paghuman sa third period, 58-all, padayong nagsinukliay og mga puntos ang duha ka kampo hangtod nga nagtabla pag-usab, 90-all sa nahabiling 18 segundos sa final period.

Apan daw naibtan og tunok ang Lao Custome dihang si Jay Sabacahan mihimo'g 3-point play nga maoy nagtukmod sa iyang koponan ngadto sa kadaugan.

Si Sabacahan igo lang mi-iskor og singko puntos alang sa Lao Custome nga gipangulohan ni Junel Entero, kinsa miratsada og 30 puntos. Sila si Niel Entero ug Nonald Dayon nagkumboya og 27 puntos alang sa maong kadaugan.

Ang pilderong Teradyne gipangulohan sab ni Ronan Wafer, kinsa mibagdok og 27 puntos, gisundan ni Michael Alcarde nga adunay 12 puntos.

Puntos Matag Usa

LAO CUSTOME (93) - J. Entero 30, N. Entero 14, Dayon 13, Omo 9, Pino 8, Sabacahan 5, Castro 3

TERADYNE (90) - Wafer 27, Emperio 18, Alcarde 12, Sabac 8, Colina 6, Alilin 2, Buquir 2, Susas 2. – BANAT NEWS