CEBU, Philippines - Napili si Arnold Pestaño isip bag-ong presidente sa Los Amigos Basketball Association (LABA) atol sa ilang tinuig nga piniliay niadtong Hulyo 13 diha sa Banilad Sports Complex sa Mandaue City.
Uban ni Pestaño nga napili mao si Chris Ubas (vice presidente/treasurer) ug Alberto Seno (secretary).
Sila si Ruel Tayag, Merot Ygoña, Bobby Ranile, Joel Magalle, Nardo Lagaras ug Dioy Colina mao ang napili isip mga sakop sa screening committee.
Ang mga sakop sa board of directors naglakip nilang Rudy Candelada, Dodong Pañe, Roy Yamomo, Dennis Patindol ug Gilbert Sebandal. Ang ilang consultant mao si businessman Cesar Lee, ang kanhi team owner sa Milagros Lee Textile sa MICAA ug ang chairman of the board mao si Mandaue City Vice Mayor Glen Bercede. – BANAT NEWS