Pacman gihagit ni Bradley

CEBU, Philippines - “Manny Pacquiao, I challenge you to fight me!” kini mao ang pamahayag nga gibuhian ni undefeated WBO junior welterweight champion Timothy Bradley human sa malampuson niyang title defense batok ni Carlos Abregu.

Si Bradley namahayag nga sa hingpit nga pagkadiskaril sa sangka ni Pacquiao ug Floyd Mayweather Jr., midako karon ang iyang paglaum nga matuman ang dugay na niyang gihandom nga sangka niya batok sa world pound-for-pound king.

“I’m making a challenge right now, Manny Pacquiao, come break down this wall baby. Manny, come break down this wall. I challenge Manny Pacquiao at 147-pounds,” hagit pa ni Bradley.

Nasayran nga human mapupos ang deadline nga gitagal ni Top Rank Inc. bigboss Bob Arum ngadto ni Mayweather Jr., ang promoter nangita na karon og laing lig-on nga boksidor nga iyang iparang ni Pacquiao karong Nobiyembre.

Duha sa mga humot nga pangalan mao ang junior middleweight champion Miguel Cotto ug kanhi Mexican champion Antonio Margarito. (Lemuel P. Maglinte gikan sa boxingscene) (BANAT NEWS)