CEBU, Philippines - Agi'g pagsaulog sa ika-15 nila ka tuig, ang Ayala Business Club of Cebu Incorporated (ABCCI) mopasiugda og lumba sa dagan nga uloha'g "Run For Kids" karong Hulyo 25 diha sa Ayala Center-Cebu Terraces.
Kay 15 na ka tuig, ang organizers sa maong kalihukan molakip sab og 15-kilometer run nga maoy kinatas-an nilang lumba.
Apan ang intermediate ug fun runners mahimong modagan sa 6K o 3K run.
Liboan ka runners ang gilaumang mosalmot alang sa maong kalihukan.
"Member companies are being encouraged to join the event. We have also invited different running groups, our clients, merchants, and other companies and individuals subscribing to our services to join this fun run,” matud pa ni Atty. Mac Gordon sa Globe atol sa press conference kagahapon didto sa Marriott Hotel.
"The more participants, the better, as proceeds will go to the Children’s Hour Foundation, an organization which is “tried and tested” to have helped poor children’s education and even living condition," dugang pa ni Gordon.
Ang registration sa maong lumba sugdan ugma hangtod sa Hulyo 21 diha sa Active Zone sa Ayala Center-Cebu.
Alang sa grupo nga 25 ug pataas, aduna kini registration fee nga P200 alang sa 3K ug 6K category ug P250 alang sa 15K run. Samtang ang individual runners nagkantidad og P300 alang sa 15K ug P250 alang sa 3K ug 6K runs.
Gawas nga makatabang sa mga kabos nga kabataan, ang top performers sa matag kategoriya makadawat og ganting salapi ug gift certificates.
Ang lumba gisuportahan sa Ayala Business Club, Globe ug Ayala Center-Cebu.
Alang sa dugang mga kasayoran kabahin sa maong kalihukan, mahimong motawag (032) 411-5800 local 8023 o email sa mhrscebph.prm@marriott.com. – BANAT NEWS