CEBU, Philippines - Mga mahigugmaon og bisiklita ang magsinikaray sa kadalanan sa ipahigayong Bike Out "Save the Earth, Ride a Bike" nga anha manukad sa Active Zone sa Ayala Center-Cebu karong Domingo.
Ang mga partisipante mosikad sa gilay-on nga 16 kilometro sa piniling kadalanan dinhi sa Sugbu.
Matud pa sa mga organizers nga bukas kini sa tanang adunay bisiklita, apan kinahanglan magdala'g head gear.
Libre ang registration sa unang 100 ka partisipante ug makadawat sab kini og t-shirt gikan sa R.O.X.
Atol usab sa maong kalihukan, adunay raffle diin ang mga partisipante may kahigayonan nga modaog.
Ugma, ipahigayon sab ang BMX breakdance showdown nga pagabidahan sa mga tang-ang freestyle bikers. – BANAT NEWS