Summit Fight Night sa Mandaue Plaza

CEBU, Philippines - Dose ka paresan sa amateur boxers gikan sa nagkadaiyang stables ang magbinukbukay sa Summit Natural Drinking Water Fight Night Amateur Series karong gabii diha sa Mandaue City Plaza. 

Ang Cabancalan Elementary and National High School mao ang adunay labing daghang fighters nga gipadala nga naglakip nila ni Joepol John Tanodra (23 kgs.), 24 kgs. Jomar Caspe (24 kgs), Bryan Remedio (36 kgs), Richard Quilatan (44 kgs) ug Ferde San Roque (47 kgs.).

Mosaka sab sa ring ang mga pambato sa Talamban nga sila si Joedel Patindol (24 kgs.) ug Jessie Boy Mansan (34 kgs.), samtang sila si John Lloyd Trasporte (34 kgs.) ug Christian Bacolod (42 kgs.) mosuway paghatag og daog alang sa Mabolo.

Mopakita sab sa iyang labok si Andrian Castañeda sa Badian. Mokatkat sab sa ring sila si Gilbert Sotto, Jemar Rosal ug Raffy Taveros.

Lain pang mga koponan nga mosalmot mao ang Ermita, Basak-Cebu City, Looc ug Alang-alang sa Mandaue, Lapu-Lapu, Bais City ug ang koponan gikan sa University of the Visayas (UV). –  BANAT NEWS