CEBU, Philippines - Gisugdan na ang registration alang sa laing lumba sa dagan dinhi sa Sugbu nga uloha'g "Planet Sports Run" nga gikatakda karong Hunyo 27 diha sa The Terraces sa Ayala Center-Cebu.
Gibahin ang lumba ngadto sa tulo ka kategoriya -- 10K, 5K ug 3K length races.
Ang registration fee sa 10K ug 5K runs nagkantidad og P250 libre na ang singlet, samtang ang sa 3K nagkantidad og P200.
Niadtong interesado modagan, mahimong magparehistro sa Planet Sports sa Ayala ug sa Robinsons, Sports Warehouse ug Ayala Active Zone sa Ayala Mall.
Alang sa dugang mga kasayoran kabahin sa lumba, tawaga ang numero 234-0451. – BANAT NEWS