CEBU, Philippines - Paningkamotan ni Jon-Jon Adlawan nga mausban pa ang iyang sunod-sunod nga daog sa iyang pagsalmot sa ikalimang hut-ong sa 2010 MS Motosuit Motocross Series nga mosikad karong adlawa didto sa Bogo City.
Giuloha'g "2nd Mayor Celestino Martinez Jr. Motocross Cup," si Adlawan gilauman nga mosubli sa iyang winning formula dili lang sa miaging leg, apan sa laing aksiyon nga iyang naapilan.
Gilaumang mohagit ni Adlawan sa top spot mao ang managsuong Jubenile ug Juvanni Abellar ug si John Flores.
Sa laing bahin, si Siegfred Ornopia, mao gihapon ang lisud tangtangon sa iyang trono sa executive B division.
Ang aksiyon karon gipaluyohan sa Castrol Power One, kagahapon sa dakbayan sa Bogo, Dr. Felipe Montejo, Sta. Cruz Dakit Agrivet, Global Forex & Remittance Co. Inc., Galing UK Shop, Hon. Yoyong Almirante ug Rey Goco. (BANATNEWS)