Reyes sumargo kay Gomez sa US Open 10-Ball

MANILA, Philippines - Hindi siya tatawaging “Pinoy Superman” kung hindi niya nagagawa ang mga imposibleng bagay.

Tinalo ni Roberto Go­mez si Hall of Famer Ef­ren “Bata” Reyes, 9-6, sa ginaganap na 2010 US Open 10-ball championship sa Riviera Hotel and Casino sa Las Vegas, Nevada.

Kumawala si Gomez mula sa 6-6 pagkakatabla kay Re­yes upang angkinin ang sumunod na tatlong racks patungo sa kanyang malaking panalo.

Nauna nang tinalo ni Gomez si Imrad Majid ng Great Britain, 9-2, sa first round bago iginupo si Reyes upang itakda ang kanilang paghaharap ni American Jason Klatt, pinayukod ang mga kababayang sina Andrew Pettenger, 9-8, at Johnny Archer, 9-4.

Madali namang nailigpit ni Francisco “Django” Bustamante si Japanese Toru Kuribayashi, 9-2, para sa kanyang ikalawang sunod na panalo.

Makakatapat ni Bustamante si Edwin Montal, tinalo si 1996 US Open 9-ball ruler John Schmidt, 9-8, sa third round.

Tumumbok rin ng mga panalo sina Lee Vann “The Slayer” Corteza, Den­nis “Robocop” Orcullo, Ronato “Volcano” Alcano, Warren “Warrior” Kiamco at Lapena.

Ginitla ni Cortez si Chris Bartram ng United States, 9-5; sinorpresa ni Orcullo si John Morra ng Canada, 9-3; winalis ni Alcano si Glenn Atwell ng USA, 9-0; tinalo ni Kiamco si Huidje See ng the Nether­lands, 9-2; at pinahiya ni Lapena si Tommy Najar ng US, 9-1.