Makabungog nga cheers, mga bag-ong wheelchairs

CEBU, Philippines - Aduna’y duwa sa PBA karong Sabado, Mayo 22 diha sa Cebu Coliseum sa alas 5:30 sa hapon.Usa kini ka bearing game sa PBA nga gitawag og "Duwa sa Sugbo" tali sa Barangay Ginebra Gin Kings ug Alaska Aces.

Dad-on sa mata'g teams ang ilang mga imports --Daimon Simpson alang sa Aces ug si Mildon Ambres sa Gin Kings.

Ang maong promotion usa ka proyekto sa Metro Cebu Uptown Jaycees pinangulohan sa ilang JCI Senator Dr. Boy Te. Ato kining suportahan tungod kay sa inyong pagtan-aw sa duwa, adunay raffle nga lima ka wheelchairs ug dako kaayo kini'g ikatabang ngadto sa atong mga igsoon nga adunay kakulian sa panglawas o “person with disability”.

Ang grupo ni Te mipili sa    Jesus S. Avila Foundation, Inp maoy benificiaries diin duha sa mga sakop sa Board of Trustees akong mga higala—una si Valeriano “Bobit” Avila nga akong kauban sa The Freeman ug ingon man usab si Isidoro "Doring" Cañizares, ang usa sa mga tag-iya sa Baseline Restaurant.

Ugma, adunay ipahigayon nga presscon kalabot sa maong promotion didto sa Waterfront Lahug sa alas 3 sa hapon. 

* * *

East ug West Finals. Nagsugod na gyud ang East Finals tali sa 2008 champion Boston Celtics batok sa Orlando Magic ug ugma ang West Finals tali sa 2009 champion Los Angeles Lakers batok sa Phoenix Suns.

Tuyo karon sa Lakers nga depensaan ang ilang korona ug daku kining tahas kanilang Kobe Bryant ug Pau Gasol ang bug-at nga tahas.

Akong mga higala, lain-lain ug pangapas apan dako akong pagtuo nga ang Boston Celticsug ang Phoenix Suns maoy mag-abot sa NBA Finals ug ang Celtics maoy moguwang kampiyon karong tuiga. 

Dili ako mahibulong kung mo-abante sa Finals ang Suns tungod kay taud-taud na sab silang wala makaduwa sa finals ug uhaw na kaayo sila. Ang akong higala nga Customs broker Roy Canillas mi-uyon sab sa akong analysis ug nagparehas sab ang among prediction nga Game 6 lang kutob ang Cleveland dihang mitapon ang duwa balik didto sa Boston, Massachusetts.

Dako ako’g pagtuo nga nagpanikad na ang Celtics karong tuiga nga mabawi ang korona human sila matagak sa miaging tuig. Naka 4-0 man tuod ang LA Lakers batok Utah apan medyo nagkalisod sila batok sa Oklahoma.           Timan-i lang ninyo nga dihang nag-abot ang Celtics ug ang Lakers sa 2008 NBA Finals, piangon ug tuhod si Paul Pierce apan nalubong nila ang Lakers ug 39 puntos, usa sa labing dakong biya sa NBA Finals sunod lang sa 42 puntos nga nahimo sa Bulls batok Utah sa ilang NBA Finals.

Karon pa kaha nga himsog na si Pierce, nibalik na si Kevin Garnett ug kanunay mokulit ug triple-double si Rajon Rondo nga kaniadto ordinaryo lang ang dinuwa-an. Mga higala, mas modayeg ako kaninyo kung mohatag sab kamo sa inyong komentaryo dinhe sa Sportsgab.

* * *

MATUGAS’ Magic. Na-uso kining pulong Cory Magic sa buhi pa si Presidente Corazon Aquino ug karon maka-ingon ako nga epektibo gihapon kini sukwahi sa pangangkon sa uban nga wala na kini gahum sukad mipanaw si Presidente Cory. Asay wala? Natakdan man gani hinoon si Mayor Jejomar Binay nga nailhan sukad gitudlong OIC mayor ni Cory sa Makati atol sa 1986 EDSA People Power.

Daghang mga bag-ong botante ilabi na mga batan-on ang nangangkon nga mibotar sila kang Jejemon Binay apan mas makamao si Mar Roxas sa wala pa niya pag-concede. Makita sa iyang ngalan MAR-RO as in “maru”. Wala pa sab mo-concede si Erap kay matod pa niya dili pa angayan kay gani sa pagboto pa lang niya, makita man kuno sa PCO’s machine nga “congratulations” apan may sumpay “your vote has been counted.”

Dinhe sa Sugbo, aduna’y Osmeña magic ug kini nailhan sa otso-otso. walo ka konsehales sa north ug walo sab gikan sa south ang nangharus ug sa lalawigan nangharus sab ang mga Garcia ug ingon man ang mga Gullas didto sa dakbayan sa Talisay .

Apan dili lang diay may landslide sa Cebu kay didto sa Surigao del Norte, wala’y nakapiog sa pamilyang Matugas—midaug pagka gobernador si Sol Matugas batok ni Ace Barbers, midaug pagka mayor sa Surigao City si Nitoy Matugas batok ni Lyndon Barbers ug subling napili pagka kongresista sa unang distrito si Cong. Francisco “Lalo” Matugas batok ni Constantino “Banjo” Navarro.

Si Lalo ug Sol maoy ginikanan ni Collector Bingo Matugas sa Mactan ug si Nitoy iyang uyoan. Akong gipangutana kung daghan bang opaw didto sa ilang lugar kay wala man sila magkinahanglan og barbero o Barbers. Ang akong higala nga si Romy Cal ug si Arlene Tongco maoy mga sakop sa legal panel sa mga Matugas atol sa piniliay niadtong Mayo 10, ang labing unang automated election sa nasud.

Miscellaneous. My son Matt Erikson is now Sweet 16 last May 14 and last Sunday, May 16 was our 17th wedding anniversary. Belated birthday greetings to Pardo Tennis Club president Edot Arana who turned a year older last May 11.  – BANAT NEWS