CEBU, Philippines - Mipasud og duha ka triples si Bjirine Padilla sa katapusang 25 segundos aron luwason ang NOFH bitbit ang 89-85 nga kadaugan batok sa Tupaba sa midget division sa San Nicolas Parish Summer League didto sa San Nicolas Parish Activity Center sa Pahina San Nicolas, ning siyudad.
Ang NOFH nabiyaan og nuybe puntos sa sayong bahin sa fourth period, 63-72, apan hinay-hinay kini'g kitkit ug pinaagi sa 9-0 run sa mga paningkamot ni Padilla uban nilang manag-agaw'ng Rendell ug Redgie Chan
Nakapanimaho na unta'g daog ang Tupaba dihang milabaw sila'g dos puntos sa nahabiling 33 segundos sa duwa, 85-83, apan sa wa damha mipakita'g milagro si Padilla pinaagi sa iyang tres sa katapusang 24 segundos aron masakmit ang labaw, 86-85. Ug nausban pa kini og laing tres sa himalatyong oras sa duwa nga maoy mihingpit sa ilang kadaugan.
Si Padilla maoy topscorer sa NOFH sa iyang 27 puntos, gisundan ni Rendell Chan nga mipupo'g 18 puntos ug si Redgie Chan miani og 13 puntos. Ang pilderong Tupaba gipangulohan sab ni Ikoy Amaba, kinsa miburak og 15 puntos, samtang si Zenneth Monteclar mihirit og 14 puntos.Ang NOFH nagbitbit na og 3-1, win-loss record, samtang ang Tupaba wala pa makatilaw'g daog sud sa tulo ka duwa.
Puntos Matag Usa
NOFH (89) - Padilla 27, Ren. Chan 18, Red. Chan 13, Gaylan, 8, Garrido 6, Dela Cruz 5, Tañajura 4, Chan 4, Sugang 3, Rosell 2, Bequilla, 2, Marangan 2
TUPABA (85) - I. Amaba 15, Z. Monteclar 14, P. Carin 10, J. Carin 10, T. Monteclar 8, E. Amaba 5, Alcordo 4, Ybañez 3, C. Monteclar 3, M. Monteclar 2, Gamboa 1. – BANAT NEWS