Three-peat tuyo sa PNHS

CEBU, Philippines - Tinguha sa back-to-back champion Pajo National High School (PNHS) mohipos sa ilang ikatulong kampiyonato sa 7th Season sa Shakey's Girls Volleyball League Cebu Regional Elimination karong adlawa diha sa Brgy. Sambag 1 Sports Complex.

Ang PNHS ni Fr. Rolando T. Manayon makigsangka sa University of San Carlos (USC) karong alas-8 sa buntag.

Ang PNHS pangulohan nilang Athena Sucalit, Catherine Marquez, Marjorie Coloscos, Christy Sucalit, Lovely Marie Murillo ug Gretchel Soltones.

Ang SAC-SMB awardee ug kanhi kampiyon University of Southern Philippines Foundation (USPF) ni coach Jordan Paca, mosuway'g langkat og balik sa titulo sa dihang sangkaon ang Don Gerardo National High School.

Ang PNHS ug USPF maoy numero uno sa ilang tagsa-tagsa ka dibisyon nga wala gyud makatilaw og pilde sa elimination.

Ang winners sa cross-over semifinals makakuha'g lingkoranan sa final nga duwaon karong hapon.

Ang makampiyon malakip sa 7th Shakey's Girls V-League National Finals "Tournament of Champions" nga gitakda karong Mayo 18-23 didto sa Tacloban City.    (FREEMAN NEWS)