Cebuano runners misidlak sa Ormoc Run

CEBU, Philippines - Misidlak ang bitoon sa mga Sugbuanon runners human manghawod sa tinuig nga Ormoc Run didto sa Ormoc City.

 Hugot kaayo ang kompetisyon, apan si John Philip Dueñas sa Danao nakahimo gihapon sa pagdaog   sa titulo sa 15k men’s open. Gisundan siya ni Cebu-based Elmer Bartolo alang sa ikaduhang dapit.

Taga-Sugbu sab ang midominar sa 10K men’s class. Si Jobert Carolino, ang kampiyon sa 5K sa Mandaue Earth Run, misutoy aron langkaton ang kampiyon. Si Riez Enriquez mipahiluna sa ikaduha nga dapit. 

Wala sab kapugngi ang giilang road running queen sa Sugbu nga si Mary Grace Delos Santos dihang iyang gidominar ang 5K women's open. Ang pambato sa Southwestern University (SWU) nga si Mary Joy Tabal mipwesto sa ikaduhang luna.   

Samtang si Joel Delposo sa University of Southern Philippines Foundation (USPF), kinsa maoy naghari sa 5K men’s open, mao ang mikompleto sa mga winners alang sa Cebu Team nga gisuportahan sa Castrol Central ug Eastern Visayas. – BANAT NEWS