LLBA drafting gitakda karong Abril 30

CEBU, Philippines - Ang Lapu-Lapu Basketball Association (LLBA) mopahigayon sa ilang tinuig nga drafting karong Abril 30 sa alas-7 sa gabii didto sa Villas Magallanes gym sa Sta. Lucia Property sa Basak dakbayan sa Lapu-Lapu.

Si LLBA president Allan Sepe miawhag sa tanang magduduwa o niadtong buot mosalmot sa pagtambong sa 4th LLBA drafting.

Lain pang mga opisyales sa LLBA mao sila si Archie Ompad (vice president), Judith Nadado (secretary), Ely Gomoz (treasurer), Elde Daluz, Maymay Edig ug Sammy Lapoja (auditors).

Si Allan Yu maoy commissioner, samtang si Billy Nadado mao ang chairman/organizer.

Mga advisers naglakip nilang Dr. Michael Ouano, Dr. Ryan Ceniza, Eddie Bontes, Gerry Augusto ug Hon. Jimboy Igot. – BANAT NEWS