Sweep malabo na sa Cavs: Rose ibinigay sa Bulls ang Game 3

CHICAGO--Ngayon, ma­aari nang kalimutan ni LeBron James at ng Cle­veland Cavaliers ang pagwalis sa Chicago Bulls sa kanilang playoffs series.

Umiskor si Derrick Ro­se ng 31 points, habang may 27 naman si Kirk Hin­rich upang gibain ng Chicago ang top-seeded Cavaliers, 108-106, at ilis­ta ang 1-2 sa Game 3 ng kanilang first-round se­ries.

“We stayed strong,” ani Chicago center Joakim Noah, humakot ng 15 re­bounds. “D-Rose played huge for us. It just feels really good to come out with a win right now.”

Humugot naman si James ng 13 sa kanyang 39 points sa fourth quarter ngunit nakagawa naman ng ilang turnovers sa hu­ling yugto para sa Cle­veland.

Nailapit ng Cavaliers ang laro sa 106-107 matapos ang 3-point shot ni Mo Williams sa huling 3.8 segundo. Kaagad nilang dinala sa freethrow line si Bulls’ forward Luol Deng para sa split nito.

Nakuha ni Anthony Par­ker ang rebound at agad na pumorma sa 3-point range ngunit nagmintis sa pagtunog ng final buzzer.

Sa Oklahoma City, na­itama ni Kevin Durant ang kanyang shooting form sa tamang oras at bandera­han ang Thunder sa 101-96 paggapi sa Los Angeles at ibaba ang bentahe ng Lakers sa 2-1 sa kanilang playoff series.

Sa unang laro `sa playoff game sa Oklahoma City, nagposte si Durant ng 29 puntos at 19 rebounds.

Nakabalik ang top-see­ded Lakers sa 98-96, may 13.5 segundo na lang sa laro, ngunit sinelyuhan ng Thunder ang kanilang panalo sa foul line para agawin ang Game 3.

Nakatakda ang Game 4 sa Sabado sa balwarte pa rin ng Oklahoma.

Sa Portland, Oregon, kumana si Jason Richardson ng playoff career-high 42 puntos upang imando ang Phoenix na dinomina ang home team mula sa simula ng laro at kunin ang 2-1 pangunguna sa bisa ng 91-80 tagumpay laban sa Blazers.

Umabante ang Suns ng maraming beses sa 31 puntos, bago nagbaba ng rally ang Portland sa final canto at inilapit ang iskor sa 91-80 makaraang tumirada si Rudy Fernan­dez ng tatlong dikit na tri­ples.

Ngunit huli na ang na­sabing atake para sa Bla­zers, na lumasap ng kabiguan nang ang kanilang starting forward na si Nicolas Batum ay nagtamo ng injury sa balikat.