Alelu's Friends miposte'g daog
CEBU, Philippines - Gibiran sa Alelu's Friends ang Team De Paul aron pagposte og 94-83 nga kadaugan sa Cambiohan Summer Basketball Tournament didto sa Casili, Consolacion.
Sikit ang iskor sa duha ka koponan sa tibuok duwa, diin walay usa kanila ang milabaw og singko puntos.
Ang Team De Paul misuway og sikit sa iskor, 80-76 sa final period, apan dali kining gipakgang sa Alelu's Friends aron hingpit nga maangkon ang kadaugan.
Si Gaga Gonzago mipabuto og 27 puntos alang sa Alelu's Friends, gisundan ni Jerome Valle nga adunay 22 puntos. Ang naparot nga Team De Paul gipangulohan ni Romar Ponce, kinsa miposa og 21 puntos, samtang si Ilong Mejares miamot og 13 puntos.
Puntos Matag Usa
Alelu’s Friends (94) - Gonzaga 27, Valle 22, Reuyan 20, Ponce 11, Malagar 10, Botchoy 6, Cejas 4
De Paul (93) - Ponce 21, Mejares 13, Ryan 12, Jason 12, Awing 12, Jars 8, Chaw 6. – BANAT NEWS
- Latest
- Trending
