Coaching clinic himuon karon sa Mandaue

CEBU, Philippines - Himuon na sa Mandaue City Sports Commission (MCSC) ang ilang coaching clinic karong adlawa diha sa Mandaue City Cultural and Sports Complex (MCCSC).

Ang coaching clinic nga sugdan sa alas-8 sa buntag hangtod sa alas-12 sa udto pangulohan ni Louie Alas, ang head coach sa Colegio de San Juan de Letran.

Sa pakighinabi sa Banat News ni MCSC executive director Atty. Hidelito S. Pascual, nagkanayon nga ang maong coaching clinic gitukod alang sa pagpangandam sa umaabot na invitational tournament nga sugdan sa Abril 14 diha gihapon sa MCCSC.

Libre kini sa tanang coaches sa dakbayan sa Mandaue.

Gidapit ang University of San Jose-Recoletos (USJ-R) Jaguars, Southwestern University (SWU) Cobras ug Team Mandaue Cebu Landmasters sa aron mosalmot sa maong torneyo.   (BANATNEWS)