CEBU, Philippines - Parehong midaog ang Pañeros ni skipper Nilo Balorio ug ang defending champion Super Idols of playing coach Bong Pepito batok sa tagsa-tagsa nila ka kaparang aron saw-an ang liderato sa parehong 5-1 nga baraha sa nagpadayong 4th season sa Integrated Bar of the Philippines (IBP) 2010 basketball tournament didto sa Capitol Parish Gym sa dalan Escario, ning dakbayan.
Ang Pañeros kinsa nabiyaan og singko puntos sa halftime, 23-28, midaog batok sa Pecandela Law Firm sa iskor, 54-48 samtang gilubong sa Super Idols ang huyang nga Iron Eagles, 68-47.
Sa lain pang duha ka duwa niadtong adlawa, ang Young Lawyers Association of Cebu (YLAC) naka-ipsot batok sa undermanned nga Yan C. Rico, 59-56 sa usa ka come-from-behind nga kadaogan ug ang Bros N Law nga gipangulohan sa nabantug nga Rama brothers—Estong ug Enric, mikuso-kuso sa Mt. Zion, 74-54.
Sila si Barry Busi ug Michael Molde parehong mi-iskor og 10 puntos aron pangulohan ang Pañeros aron ihatod ngadto sa 4-2 nga baraha ang Pecandela. Sila si Jessie Capoy ug Dennis Tenefrancia maoy nangu sa opensa sa Pecandela sa ilang 15 ug 14 puntos, matag usa.
Ang power forward nga si Benjo Santiago mihakot og 26 puntos alang sa Super Idols ug ang pilderong Iron Eagles gipangulohan ni Flaviano Hiyas kinsa miposa og 15 puntos.
Ang mga krusyal nga puntos nilang Val Ligutan ug Resty Arnaiz maoy nakasalbar sa YLAC kinsa nakigtabla na karon sa Pecandela sa ilang 4-2 nga baraha.
Si Ligutan maoy nangu sa YLAC sa iyang 16 puntos ug si Arnaiz midugang og 13 puntos. Ang Yan C. Rico gipangulohan ni Noel Bragat, anak ni Atty. Goerge P. Bragat kinsa mihakot og 21 puntos ug miamot sab si Sim Argawanon ug 18 puntos.
Si Bert Dumon mikadlit og 20 puntos alang sa Bros N Law samtang sila si Richard Bauzon ug Al Limalima parehong miamot og 14 puntos matag usa.
Puntos matag usa:
First Game:
Pañeros (54)—Busi 10, Molde 10, Manching 8, Caliapyan 6, Cabilte 6, Aliño 6, Balorio 4, Ordeniza 2, Rauaya 2, Mendoza 2, Cagulada 2
Pecandela (48)— Capoy 15, Tenefrancia 14, I. Gamallo 8, M. Gamallo 6, Cañete 5
Second Game:
Super Idols (68)—B. Santiago 26, F. Pepito 11, Abayon 8, M. Santiago 6, Garcia 5, Malig-on 4, Heyrosa 4, Quijano Jr. 2, Zosa 2
Iron Eagles (47)— Hiyas 15, Abcede 7, Sarno 6, Suson 6, Maamo 4, Sususco 3, Lagahit 3, Galeon 3
Third Game:
YLAC (59)—Arnaiz 16, Ligutan 13, Sapayan 9, Pañares 6, Adlawan 6, Asis 4, Ang 4, Hupp 1
Yan C. Rico (56)— Bragat 21, Argawanon 18, Sumampong 13, Leyco 3
Fourth Game:
Bros N Law (74)— Dumon 20, Bauzon 14, Limalima 14, Javelosa 10, E. Rama 7, N. Rama 4, Rama 3, Ceniza 2
Mt. Zion (54)— Ortiz 14, Presas 14, Riveral 6, Macabaya 6, Geotina 5, Narido 4, Elmido 3, Gidayawan 2. –BANAT NEWS