CEBU, Philippines - Si Senadora Pia Cayetano maoy mangulo sa gatosan ka runners nga modagan karong sayo sa buntag sa pagsikad sa Visayas leg sa 5th Pinay In Action (PIA) Run diha sa Asiantown IT Park grounds sa Brgy. Apas, ning siyudad.
Si Cayetano modagan sa 10K action. Gawas sa 10K run, may lumba sab sa 5K category alang sa intermediate runners ug 3K alang sa beginners ug fun runners.
Ang PIA Run gimugna aron sa pag-promote sa women’s health, anti-violence against women ug uban pang katungod sa atong mga kababayen-an.
Adunay kinatibuk-ang P30,000 nga ganting salapi ang giandam alang sa top performers sa maong kalihukan. (BANATNEWS)