CEBU, Philippines - Ang Matias Food Haus yano kaayong mipukan sa CGC Multi Appliance, 106-90 sa Inter-Company basketball tournament didto sa Banilad Sports Center sa dakbayan sa Mandaue.
Sa maong kadaugan, ang Matias Food Hauz temporaryo karong nag-una sa liderato sa ilang 2-1 nga baraha.
Ang tandem nilang kanhi SWU Cobras Jessie Lumantas ug Axel Joseph Rabay mihimo og mainitong rally alang sa Foodmasters, kinsa miabante og 14 puntos, 31-17 sa first period.
Padayon nga mihaon og mga puntos ang Foodmasters hinungdan nga mitubo ang ilang labaw ngadto sa 21 puntos sa halftime, 53-32. Wala pa matagbaw, gilubong pa kini og taga-liog nga 29 puntos paingon sa final period.
Unom ka players sa Foodmasters ang mihimo og double figures nga gipangulohan ni Winston Perez nga adunay 18 puntos
Sila si Randy Canog ug Elgin Veloso nagkumboya og 31 puntos alang sa Appliance Masters, samtang si Marlon Bustrillo mitampo og 14 puntos.
Puntos Matag Usa
Matias Foods (106) - Perez 18, Rabaya 17, Diamos 16, Lumantas 12, Espinosa 10, Bandala 10, Zabala 8, Victor 8, Meso 4, Alburo 3
CGC Appliance (90) - Canoog 16, Veloso 15, Bustrillo 14, Verano 9, S. Bucao 8, Asis 8, Tibon 4, Suson 4, Pasaylo 2, R. Bucao 2, Lapuz 2, Empis 2, Embolode 2, D. Bucao 2. – BANAT NEWS