Yaw-Yan ArDigma sugod na'g panawat

CEBU, Philippines - Nagsugod na og pagpanawat ang Yaw-Yan ArDigma Martial Arts Federation alang niadtong indibidwal nga buot mosalmot sa ilang “Summer Clinic” diha sa fourth floor sa Coastal Pacific Downtown Center atbang sa University of Cebu (UC)-main campus.

Ang klase pormal nga buksan sa Abril 5.

Si Yaw-Yan ArDigma Cebu CEO/founder Master Benigno 'Ekin' R. Caniga Jr. nagkanayon nga tumong sa maong training mao nga tun-an ang mga batan-on sa natad sa self-defense ug ilayo kini sa bisyo ilabi na sa panahon sa bakasyon.

Ang Yaw-Yan ArDigma usa ka matang sa martial arts nga mogamit sa parte sa lawas isip hinagiban sama sa patid, siko, tuhod, sumbag ug ground fighting techniques. Laing itudlo sa   summer clinic mao ang arnis, boxing, Yaw-Yan combat ug Mixed Martial Arts.

Alang sa dugang mga kasayoran, mahimong motawag o text sa 0919-8215582 ug 0932-731232. – BANAT NEWS