Mandaue boxers away sa Taguig

CEBU, Philippines - Human sa malampuson nilang kampanya didto sa Palawan, ang mga boksidor sa Mandaue moatubang na sab og laing hagit sa ilang pagsalmot sa 2010 Mayor Tinga Cup Invitational Amateur Boxing Tournament didto sa Cantada Sports Complex sa Taguig City.

Ang Mandaue mopadala og lima ka boksidor nga naglakip nila ni Reoxyl Tabogon (46 kgs.), Michael Romarate (48 kgs.), Basilo Sultan (51 kgs.), Christian Apawan (54 kgs.) ug Mark Bernaldez (57 kgs.).

Sa lima, si Bernaldez maoy napanglantawan nga adunay dakung kahigayonan nga modaog og bulawan basi sa iyang impresibong gipakita sa National Youth Amateur Boxing Championships niadtong miaging bulan didto sa Puerto Princesa, Palawan. – BANAT NEWS