3 Cebuano jins moapil sa CPJ Championship

CEBU, Philippines - Tulo ka Sugbuanong jins ang mosalmot sa 5th Carlos Palanca Jr. (CPJ) National Taekwondo Championship sugod karong adlawa didto sa Rizal Memorial Sports Complex sa Vito Cruz, Manila.

Sila si Iyan Antony Lim, Shaneen Sia ug playing coach Glenn Lava mopakita'g aksiyon sa nagkalain-laing events lakip na ang individual pair ug team.

Ang tulo nidaog na og gold medal sa 2009 National Poomsae Competition.

Nasayran, sila si Lim Sia ug Lava ug kaubanan nidaog sa weekly finals sa Showtime sa ABS-CBN diha sa Cebu City Sports Center.

Dul-an unta sa 20 ka players gikan sa Sugbu ang kuwalipikado alang sa nationals, apan tulo lang ang miapil kay ang uban misalmot sa Central Visayas Regional Athletic Association (CVIRAA) Meet nga sugdan karong Lunes diha sa dakbayan sa Danao.   (BANATNEWS)