SEAG gold medalists pararangalan ng PSA
MANILA, Philippines - Dahil sa kanilang pagbibigay ng karangalan sa bansa sa nakaraang 25th Southeast Asian Games sa Laos, pararangalan ng Philippine Sportswriters Association (PSA) ang mga gold medal winners sa Annual Awards Night sa Marso 1 sa Manila Hotel.
Pangungunahan ni SEA Games double gold medalist Miguel Molina ang iba pang SEA Games heroes at heroines sa naturang okasyon.
Kumolekta ang Team Philippines ng kabuuang 38 gold medals sa 2009 Laos SEA Games upang tumapos bilang fifth-placer.
Kabilang sa mga nag-uwi ng gintong medalya ay sina pool player Rubilen Amit, taekwondo jins Janice Lagman, Camille Alarilla at Rani Ann Ortega at long jumper Marestella Torres na tatanggap ng Athlete of the Year trophy.
Pararangalan ng PSA si Manny Pacquiao bilang Athlete of the Decade.
Tatanggap naman ng major awards sina women’s boxer Annie Albania, tennis star Cecil Mamiit at lady golfer Chihiro Ikeda, judoka John Baylon at trackster Arniel Ferreira.
Ang iba pang SEA Games gold medal winners ay sina tracksters Rene Herrera, Rosie Villarito, Danilo Fresnido, Jho-An Banayag at Eduardo Buenavista, boxers Bill Vicera, Josie Gabuco, Alice Kate Aparri at Charly Suarez, pool player Ronato Alcano, karatedo Marna Pabillore, shooter Nathaniel “Tac” Padilla at swimmers Ryan Arabejo at Daniel Coakley.
Nasa listahan rin sina muay bet Zaide Laruan, taekwondo jins Tshomlee Go, Alexander Briones at Mary Antoinette Rivero, tennis players Treat Conrad Huey, PJ Tierro, at Johnny Arcilla, archer Jennifer Chan, golfers Dottie Ardina at Mia Piccio, judoka Nancy Quillotes, wrestlers Jimmy Angana, Margarito Angana at Jason Balabal at wushu artists Mark Eddiva at Marianne Mariano.
- Latest
- Trending
