Cavaliers bulilyaso sa tres ni Gaines, Jazz nakalusot

SALT LAKE CITY--Tu­mirada si rookie Sundiata Gaines ng triples kasabay ng pagtunog ng buzzer upang sel­yu­han ang ilang ulit ni­lang tangkang pagba­ngon ang nagbigay sa Utah Jazz ng 97-96 panalo laban sa Cleveland Ca­valiers sa NBA nitong Hu­webes.

Pinangunahan ni LeBron James ang Cavaliers sa paglarga ng 22-4 bomba sa kaagahan ng final canto ang naglagay naman sa Cle­veland ng anim na puntos na bentahe may 33 segundo ang na­lalabi, ngunit hindi naman nakaporma ang bisitang koponan sa free throw line.

Nagtala si Zyndru­nas Ilgauskas ng 1-of-2 mula sa line may 5.6 se­­gundo na lamang ang nalalabi at kaila­ngan lamang ng Jazz ng isang field goal upang itabla ang iskor o kaya isang tres upang ikamada ang kanilang panalo.

Ibinigay ni Ronnie Price ang bola kay Gai­nes, na nagpakawala ng winning shot.

Tumapos si Gaines, kapipirma la­mang ng 10-araw na kon­trata nang ang star­ter na si Deron Williams ay na-sprained ang kan­yang kanang pulso, 9 puntos. Ito rin ang unang tres ni Gaines sa kanyang limang larong NBA career.

Sa Boston, nailista ng Chicago ang kani­lang pinakamaning­ning na panalo sa la­­bas ng kanilang bal­warte matapos na pabagsakin ang host team Celtics, 96-83.

Nagtala si Luol Deng ng 25 puntos upang pamunuan ang Chicago sa pagposte ng kani-lang ikatlong su­nod na tagumpay.

Nakalapit ang Celtics ng anim na puntos may 3:50 ang nalalabi, ngunit nagsalpak naman ang Bulls ng walong basket mula sa siyam na pagtatangka, anim nito ay mula kay Joakim Noah upang itayo ang 94-81 kalamangan.