17th PBC National Youth Tenpin bowlfest gugulong
MANILA, Philippines - Papagitna ang youth bowling sa pagtatanghal ng 17th PBC National Youth Tenpin Bowling Championships mula ngayong December 27 hanggang December 30 sa bagong Bowling Inn, sa Taft Ave., Manila.
Ang taunang youth tournament , na ibinalik makaraan ang dalawang taong pagkawala, ay tatampukan ng pangunahing junior bowlers ng bansa mula sa iba’t ibang local association sa ilalim ng Philippine Bowling Congress. Ang Visayas at Mindanao ay kakatawanin din sa limang araw na torneong inorganisa ng PBC Youth Committee.
Ang mga events na paglalabanan ay ang Singles, Doubles, Team-of-Four, All-Events at ang prestihiyosong Masters titles. Magkahiwalay na ilalaro ang boys at girls division.
Ang over-all team champion ay tatanggap ng Perpetual Youth Champions Cup, na donasyon ni International Hall of Famer at 6 time world champion Paeng Nepomuceno.
Ilan sa mga teams na maglalaban-laban ay ang MTBA (Manila), TBAM (Makati), PBA (Pasig), PBAP (Parañaque), QCBA, SLETBA (Sta. Lucia), ATBA (Alabang), CETBA & BTA (Cebu), at DATBA (Davao).
Sa lahat ng interesadong partido makipag-ugnayan sa PBC Youth Secretariat: Kay Archie -09189291246 o kay Jun – 09178736225.
- Latest
- Trending
