Pacquiao World's Greatest Ever Featherweight

MANILA, Philippines - Kinilala bilang World’s Greatest Ever Fea­therweight si Manny Pacquiao na mag­­­diriwang ng kanyang 31st kaarawan ngayon, sa botohang isinagawa sa buong mundo ayon sa www.thesweetscience.com.

Pumangalawa naman si Pacquiao, naka-sche­dule na lumaban kay Floyd Mayweather Jr. sa Marso 13 ngunit hindi pa natatapos ang negosasyon, kay Su­gar Ray Robinson para sa Worlds Greatest Boxer ever.

Si Muhammad Ali ang binotong Greatest Ever Hea­vyweight of all time, kung sa­an tinalo niya si Mike Tyson.

Si Pacquiao ang bumandera sa pinakamara­ming boto para pangunahan ang botohan sa featherweight ca­tegory kung saan naka­kuha ito ng 50% ng mga boto para talunin ang alamat na si Ali.

Ito ang pinakahuling pag­kilalang tinanggap ni Pacquiao matapos manguna rin sa botohan sa HBO bilang Boxer of the Decade at Na­nomina bilang Athlete of the Year ng US Sports Aca­demy.

Samantala, hindi makakarating si Miguel Cotto sa selebrasyon ng kaarawan ni Pacquiao sa General Santos City ngu­nit inaasahang marami pa ring matataas na opisyal, mga showbiz personalities ang magbibigay kulay sa ‘birthday bash’ ng Pambansang Kamao.

Nais sana ni Cotto na pa­unlakan ang imbitasyon ni Pacquiao ngunit masyadong mahaba ang biyahe mula sa Puerto Rico patungo sa Gen San.

Si Sugar Ray Robinson ay nanalo ding Best Boxer sa welterweight at middleweight division.

Ang iba pang nanalo ay sina Ali,World’s Grea­test Ever Heavyweight, World’s Greatest Ever Light hea­­vy­weight, Roy Jones Jr. ?World’s Greatest Ever Lightweight, Roberto Duran,World’s Greatest Ever Bantamweight Wilfredo Gomez, World’s Greatest Ever Flyweight? Ricardo Lopez.

Ang mga fans buhat sa ibang bansa ay bomoto sa mga nominated bo­xers na pinili ng mga ki­la­lang boxing analysts--sina Al Bernstein, Tom Hauser, Ron Borges, Jean-Philippe Lustyk at Colin Hart kung sa­an 500,000 boto ang pu­masok mula sa botohang nag­simula noong June sa www.greatestever.com. (Mae Balbuena)