LLBA Christmas 2009 League sugdan na

CEBU, Philippines - Ang Lapu-Lapu Basketball Association (LLBA) Christmas League 2009 pormal na nga buksan karong gabii uban sa 11 ka teams diha sa Villas Magallanes Gym sa Sta. Lucia Property sa barangay Basak, dakbayan sa Lapu-Lapu.

Ang duwa sugdan sa alas-6:30 sa gabii diin si MIBA Commissioner Harry Radaza maoy mohimo sa ceremonial toss uban ni LLBA board of director Atty. Rico Amores ug coach Jun Tan.

 Sa pasiunang duwa, ang VKK ni team owner Victor Malingin mopakita sa ilang katakus batok sa Tango ni team owners Dr. Michael Ouano ug Dr. Ryan Ceniza, sundan kini sa engkuwentro tali sa COMFA-Salosalo ni team owners Romy Aquino ug Elly Gomos nga makigbatok sa 3M-RJ ni team owners Renato Casinillo ug Christopher Sayson sa alas-7:30 sa gabii.

Sa main game nga gikatakda sa alas-8:30 sa gabii,

magsangka ang Ace Penzionne ni team owner Tony Amistad   batok sa Yan C Rico ni Atty. Rico Amores. 

Lain pang mga koponang mosalmot ning usa ka bulan nga torneyo naglakip sa All Box Packaging Corp. ni team owner Jun Tan, AJY Bong nga gipangulohan ni Allan Yu, Boyla Hotel ni team owner Tonton Gelig, Tiger ni team owner Tigre Inot ug i3R Motor Parts ni team owner Dandan Ramos.

Ang maong torneyo gipaluyohan ni Mayor Arturo Radaza, Mactan Brgy. Capt. Paz Radaza, Atty. Rico Amores, Jun Tan, LLBA JEM Sportswear ug Maymay Edig.

Mga opisyales sa LLBA mao si Alan Sepe (President), Archie Ompad (Vice President), Boy Castueras ug Eddie Buntis (Advisers), Sammy Lapoja ug Eldi Daluz (Auditors), Allan Yu (Commissioner) ug Billy Nadado (Organizer).  – BANAT NEWS