DTCC mo-padala'g 19 ka paresan

CEBU, Philippines - Napulo'g-siyam (19) ka paresan ang ipadala sa Dancesport-Team Cebu City (DTCC) alang sa 13th DSCPI National Dancesport Championships nga gikatakda karong Nobiyembre 29 didto sa Rizal Ballroom sa Makati Shangri-La.

Ang numero sa delegado sa Sugbu nalaslasan human sa pag-uswag sa nahisgutang kalihukan tungod sa bagyong Ondoy.

Duha ka DTTC officials nga sila si Eleanor Hayco ug Victoria Alix ang mopakita pag-usab sa ilang talento.

Si Hayco morampa sa latin ug modern stardard. Katimbang ni Hayco sa standard B ug SE2-4 mao si Lloyd Bartolini ug si Ansel Estellore sa latin SE2F ug SE2-4.

Samtang si Alix mosadsad sab uban sa iyang dance partner sud na sa dugay'ng panahon nga si Renante Saldua sa standard SE2F category.

Si Estellore morampa sab uban ni Mae Lozada sa latin SE2F ug SE2-4.

Ang ubang sakop sa DTCC nga morampa naglakip nila ni Joel ug Annabelle Madera, Jumil Bacalso ug Daine Xylene Balili, EO Lowen Rendon ug Mary Desiree Seraga, Marlon Aliño ug Kinue Sakurai, Danilo Almario ug Lilibeth Paguio, Wilbert Aunzo ug Pearl Marie Cañeda, Rodulfo Betran ug Gemville Dela Cerna, Jeric Canoy ug Jessa Mae Briones, Joseph Getaruelas ug Jocelyn Versteeg, Lark Jabonero ug MaryAnn Ferrer, Rhea ug Roque Marquez, Jimmy Noel ug Elizabeth Zetz, Marlon Segismar ug Maria Corazon Balbuena ug Bjorn Torreon ug Karla Fornolles. – BANAT NEWS