JRU at Perpetual magpapasiklaban sa NCAA cheerleading contest sa Okt.21

MANILA, Philippines - Tunggalian sa sayawan, kapwa matindi ang pag-aasam ng defending champion na Jose Rizal at national cheerleading champion Perpetual Help na umindak patungo sa korona ng 2009 NCAA Cheerleading Competition na nakatakda sa Oktubre 21 sa The Arena City.

Kabilang ang walong iba pang kalahok, lubos na pinaghandaan ng bawat kolehiyo ang naturang kompetisyon.

Gayundin, siniguro ng mga komite ang mga bagong sistemng ipapatupad ng kompetisyon kung saan makakatuwang nito ang National Cheerleading Championship sa paghuhusga.

Ang eskwelahang may pinakamagandang presentasyon ay magkakaroon ng tsansang mag-uwi ng tumataginting na P90,000 habang mapapanalunan naman ng 2nd at 3rd price ang P55,000 at P45,000, ayon sa pagkakasunod buhat sa Samsung. (SNFrancisco)