Pinusilay sa 4th Gullas Cup

CEBU, Philippines - Mosikad na karong adlawa ang 4th Gullas Cup diha sa Maghaway Firing Range sa BJMP Compound sa dakbayan sa Talisay.

Kapin sa 100 ka practical shooters ang gilaumang mopakita'g aksiyon human sa gipahigayong range officers' match kagahapon.

Adunay pito ka stages ang tigian ning duha ka adlaw nga kompetisyon, tulo niini mao ang long course, laing tulo sa medium range ug usa sa short course.

Ang first ug second mao ang Close door session ug Guard's call, samtang ang stage 4 mao ang Talisay depot.

Ang stage 5 mao ang Visiting hours, ang stage 6 mao ang Aqua's Finest, ang stage 3 mao ang Looking back ug ang stage 7 mao ang Give Me a Rest.

Ang maong kompetisyon gipasiugdahan sa Cebu Talisay Aqua City Gun Club Inc. nga gipangulohan ni Aberdovey Belleza uban sa Talisay City Sports Commission. – BANAT NEWS