M'bike Competition sa Danao

CEBU, Philippines - Moarangkada na ang mga Sugbuanong riders sa 2nd Congressman Red Durano Road and Mountainbike Competition karon didto sa Danao City.

Unang masaksihan karong adlawa mao ang downhill competition nga gibahin ngadto sa duha ka dibisyon -- open ug executive, samtang sa Domingo mao na ang road race ug mountainbike events.

Bisan pa sa hugot nga kompetisyon, misaad ang mga Sugbuanong riders nga ilang dag-on ang maong lumba aron maapil sa National team.

Mga kategoriya sa road race mao ang class A, B ug C, samtang ang mountain bike event gibahin ngadto sa men's and women’s open, seniors, masters A ug B, beginners ug executive class.

Ganting salapi ang nagpaabot sa mga mananaog sa maong kompetisyon nga gipasiugdahan sa Danao City Sports Commission. – BANAT NEWS