CEBU, Philippines - Pormal na nga buksan ang gipaabot nga 1st Barangay Labangon Basketball Association 35-above tournament diha sa Labangon gym.
Sugdan ang torneyo pinaagi sa parada sa alas-8 sa buntag.
Adunay 14 ka teams ang mosalmot sa kompetisyon ug gibahin ngadto sa duha ka grupo.
Mga koponan nga mopakita'g aksiyon naglakip sa Jo-Nels, Brainboos-Green, Bing Art-White, RCAF-Blue, Thunder-Yellow, King Tupas-Black, Deco Sales-Gold, Jodels-Red, Woodstuck/Dark Blue, G.I. Orion, Fatima-Black ‘N White, ROL, Astro Foil ug Batibot-Maroon.
Ang torneyo gipasiugdahan ni Labangon barangay councilor Ronald Dagatan uban ni Romy Cal isip commissioner ug consultant.
Si Dagatan maoy overall champion sa Barangay Officials Shooting Tournament didto sa Lapu-Lapu City sa miaging bulan.
Si Cebu City Mayor Tomas R. Osmeña, Vice Mayor Michael Rama ug kanhi sports committee chairman nga si Joy Augustus Young gipaabot nga motambong sa opening ceremonies. (Gabby G. Malagar)