Bostolits Abante sa q'finals

CEBU, Philippines - Abante na sa quarterfinals ang Bostolits quintet nga gipangulohan sa ilang team captain Rey Petiluna human ilang gilampaso ang undermanned St. Vincent sa usa ka high-scoring game, 134-118 niadtong Domingo sa Saturday Club basketball tournament diha sa Barangay Quiot Sports Complex, ning dakbayan.

Ang maong kadaugan maoy ikawalo sa Bostolits sa 11 ka duwa.

Ang St. Vincent naglabaw og uno punto sa first period, 47-46, apan ang Bostolits kalit nga nanginit sa second period ug mao na ang milabaw, 66-62 sa halftime.

Si Petiluna milansang og 17 sa iyang 32 puntos sa fourth period aron pangulohan ang Bostolits, gisundan nilang Danny de la Peña ug Eddie Roma nga miabuno og 16 puntos matag usa.

Si Fury Trazona mibomba og 41 puntos, samtang si Arnold Sevellejo mipabuto og 32 alang sa St. Vincent, kinsa nakaangkon sa ilang ikapitong pilde.

Puntos Matag Usa

Bostolits (134) - Petiluna 32, Tantiado 21, D. dela Peña 16, Roma 16, Patrimonio 12, Naces 11, Michael 7, Palanas 6, Eismar 6, R. Español 6, Bonbon 2

St. Vincent (118) - Trazona 41,Sevellejo 32, L. dela Peña 12, Ararao 12, McFritz 10, N. Español 9, Peñaflor 2. - Gabby G. Malagar (BANAT NEWS)