Team Mandaue mihakot 1-1-3 medals

CEBU, Philippines - Gitapos sa Team Mandaue City ni coach Peter Cuizon ang ilang kampanya pinaagi sa pagdaog og usa ka gold, usa ka silver ug tulo ka bronze medals sa 2009 Mayor Freddie Tinga Cup National Invitational Amateur Boxing Championships niadtong miaging adlaw didto sa Don Ambrosio gym, sa Cantada Sports Center sa Bagumbayan, Taguig City.

Si Joseph Ebalang maoy bugtong boksidor nga mikabkab og bulawan alang sa Mandaue pinaagi sa pagpukan ni Rey Pama sa Palawan sa 51 kgs. class.

Si Michael Romarate, kinsa awtomatik nga nakakuha og luna sa finals kortesiya sa lucky draw, igo lang mihakot og silver human mapukan ngadto ni Lorenz Tesorio

sa timbang nga 48 kilogram division.

Ang mitiltil og bronze medals alang sa Mandaue mao sila si Mark Bernaldez, Gerald Suico ug Reoxyl Tabogon.   (BANAT NEWS)