1st BTC-Thirsty Hoop Jams mosikad ugma
CEBU, Philippines - Dul-an sa 500 ka 3-on-3 matches ang gipaabot sa 1st BTC Cup-Thirsty Hoop Jams 2009 nga mosikad ugma diha sa Banilad Town Centre.
Adunay 87 ka koponan gikan sa 18 ka elementary ug secondary private schools sa Sugbu ang niparehistro ning maong torneyo nga gipasiugdahan sa Nike Athletic Club ug Dimsum Break.
"With these teams classified under four age categories, all games will start as early as 7:30 am and run until 7 pm in the next four weekends of August, both on Saturdays and Sundays," matud pa ni tournament commissioner Cerwin T. Eviota.
Ang mga teams matag kategoriya gibahin sa duha ka dibisyon diin ang matag koponan moatubang sa tanang teams sa susamang dibisyon sa eliminasyon karong Agosto 8, 15 ug 16 ug 22 ug 23.
"A team is expected to play at most 12 matches during the tournament that will see a total 457 games being played during the elimination round," sumala pa ni technical director Edwin de Jacto.
Atol sa playoffs karong Agosto 29, ang torneyo mosagop sa crossover diin ang no. 2 sa division-A mopukan sa makaduha ka higayon sa no. 1 team sa division-B.
Mao sab ang himuon sa no. 2 teams sa division-B batok sa no. 1 sa division-A.
Ang top-seeded team matag dibisyon magkinahanglan lang og usa ka daog aron makaangkon og pasaporte alang sa "best-of-three" finals karong Agosto 30. – BANAT NEWS
- Latest
- Trending
