Bostolits mipakgang sa ICC Pharmacy

CEBU, Philippines - Gipakgang sa team Bostolits ni team captain Rey Petiluna ang unom ka sunod-sunod nga daog sa ICC Pharmacy pinaagi sa pag-iskor og 121-101 nga kadaugan sa elimination round sa nagpadayong Saturday Club 2009 basketball tournament didto sa barangay Quiot Sports Complex.

Sa laing duwa, gilubong sab sa Pimentel Customs Brokerage ang St. Vincent troopers sa iskor, 94-59.

Si Petaluna mirehistro og 18 puntos, apan si Pete Patrimonio maoy nangulo sa Bostolits sa iyang 31 puntos. Si Danny de la Peña miamot og 20 puntos.
Sa laing bahin, ang Pimentel Brokers nagsalig sa nagpungasi nga puntos nilang Richard Gubaton, Sarah Nardo ug Ike Piza aron tunolan ang ilang koponan og 4-2 nga baraha.
Si Gubaton miposte og 30 puntos, si Nardo mitampo og 16 puntos, samtang si Piza midonar og 12 puntos.

Ang St. Vincent gipangulohan ni Fury Trazona, kinsa mihakot og 18 puntos.

Puntos Matag Usa

Unang duwa:

Bostolits (121) - Patrimonio 31, Dela Peña 20, Petiluna 18, Roma 14, Tantiado 10, Michael 8, Naces 5, Palanas 4, Bonbon 4, Eismar 4, Español 3
ICC Pharmacy (101) - Dela Peña 21, Cagakit 20, Lasque 17, Celestial 16, Villarin 13, Palma 8, Bejosa 4, B. Celestial 2
Ikaduhang duwa:

Pimentel (94) - Gubaton 30, Nardo 16, Piza 12, Malubay 10, Allerito 7, Manubag 4, Arguedo 4, Racellis 2, Visitas 2, Tabar 2, Bohol 2, Gaite 2

St. Vincent (59) - Trazona 18, Savellejo 12, Ararao 10, Fritz 6, Leopats 5, Castro 2, Visitas 2, Abellar 2, Peñaflor 2, Matudan 2 . – BANAT NEWS