RP Blu Boys mga bigatin ang ka-grupo
MANILA, Philippines – Nahaharap sa malaking pagsubok ang Philippines nang makasama ito sa grupo ng mga bigating US, Japan at New Zealand sa Pool A ng elimination round ng International Softball Federation XII world men’s championship na nakatakda sa Biyernes (Sabado sa Manila) sa Saskatoon, Canada.
Nasa Pool A play ng two-group, 16-team qualifying round para sa slots sa Final 8 ang Great Britain, Botswana, Denmark at Mexico.
Nasa magaan namang Pool B ang Canada, Australia, Czechoslovakia, Argentina, Venezuela, South Africa, Puerto Rico at Indonesia.
Dumating ang mga Pinoy, na ang biyahe sa Saskatoon ay naging posible sa tulong ng Cebuana Lhuiller, Pera Padala, Le Soleil de Boracay, Philten and the Philippine Sports Commission, noong Martes ng hatinggabi matapos ang dalawang araw na biyahe.
Agad sasabak sa aksiyon ang Blu Boys sa sumunod na araw matapos ang dalawang tuneup games laban sa Americans at Australians.
- Latest
- Trending
