Matheos misakmit mini division title sa LEYC cagefest

CEBU, Philippines – Gilat-an sa Matheos ang karibal nga Chrislane, 75-56 sa Game-2 aron pagsakmit sa kampiyonato sa mini division sa Lorega Echavez Youth Council (LEYC) didto sa Lorega Sports Complex, ning siyudad.

Si Janro Rafanan miduslit og 26 puntos aron pangulohan ang Matheos, samtang si Ehyann Hetio mitunol og 13 puntos.

Ang naparot nga Chrislane gipangulohan ni Neiljun Nellas pinaagi sa iyang 20 puntos, gisundan ni Oliver Undangan nga mitigom og 16 puntos ug Carlos Dosdos nga adunay siyete puntos.

Sa ikaduhang duwa, nakatabla ang Christian dihang mibawos kini ngadto sa John Jacob, 85-81 aron pagpuwersa sa duwa ngadto sa tinaktakay nga Game-3 sa juniors

division.

Si Eric Mertillino mikulit og 24 puntos aron pangulohan ang Christian, samtang si Noe Loyola mitampo og 19 puntos alang sa maong kadaugan.

Ang leading scorer sa John Jacob mao si Jack-Jack Echevaria, kinsa miposa og 25 puntos.

Puntos Matag Usa

Unang duwa:

Matheos (75) - Rafanan 26, Olores 16, Hetio 13, Buenavista 5, Sobroso 5

Chrislane (56) - Nellas 20, Undangan 16, Dosdos 7, San Diego 6, As 3

 Ikaduhang duwa:

Christian (85) - Mertillino 24, Loyola 19, Beldoro 18, Entera 8, Bughao 7

John Jacob (81) – J .Echevaria 25, Flordiles 14, Dacay 9, T. Echevaria 8, Libongcogon 8 – BANAT NEWS