CEBU, Philippines – Ang fourth leg sa Run For Sight mosikad karong Domingo diha sa Cebu Doctors' University (CDU) campus sa dakbayan sa Mandaue.
Ang binulan nga lumba nga gisugdan niadtong Marso adunay duha ka kategoriya -- 5K ug 10K.
Gipasiugdahan sa Run For Sight Foundation, ang maong kalihukan gisuportahan sab sa Larrazabal Eye ug sa Sports and Fitness Enthusiasts (SAFE).
Ang mga runners mahimong makaparehistro usa ka oras sa dili pa ang kompetisyon. Aduna kini registration fee nga P50 matag entrante.
Usa ka "Runner of the Year" award sa male ug female divisions ang ihatag inig tapos sa tuig. Ang overall champion sa men ug women's categories makadawat og TV, DVD players ug RFS eye-shaped medal. – BANAT NEWS