CEBU, Philippines – Nakaikyas ang Black team gikan sa mga kamot sa Blue team bitbit ang 70-67 nga kadaugan sa Oriental Port Allied Service Corp (OPASCOR) basketball tournament diha sa Tejero Sports Complex, ning siyudad.
Dumadaog unta ang Blue team dihang milabaw kini og dos puntos, 67-65 sa nahabiling 1:24 sa fourth quarter, apan napatabla ni Niño Sanoy ang iskor, 67-all human mapasulod ni Niño Sanoy ang iyang mahinungdanong itsa sa nahabiling 1:24 sa final quarter.
Nailog hinuon og balik sa Blue ang labaw, apan si Gabriel Enriquez nakapasud og usa sa iyang duha ka free throw human gi-foul ni Arnulfo Cadungog ug napun-an kini sa itsa ni Alconera nga maoy mihingpit sa ilang kadaugan.
Si Enriquez maoy nangulo sa Black sa iyang 16 puntos, gisundan nilang J. Campaña ug Sanoy nga miamot og 12 puntos matag usa.
Ang pilderong Blue gipangulohan ni Joel Jagadon, kinsa miburak og 18 puntos, samtang si Godofredo Villardo Jr. miamot og 16 puntos.
Ang OPASCOR caging gipasiugdahan ni Godofredo Villardo uban sa suporta ni Tejero barangay captain Jessielou Cadungog.
Puntos Matag Usa
BLACK (70) - Enriquez 16, Campaña 12, Sanoy 12, Alconera 12, Nadera 8, Alcantara 8, Campaña 6
BLUE (67) - Jagadon 18, Villardo 16, D. Cadungog 8, A. Cadungog 6, Arong Jr. 6, R.Villardo 6, Sanjorjo 4 – BANAT NEWS