Lupig o Pasakay?

CEBU, Philippines - Na-unhan dayon sa Los Angeles Lakers ang Orlando Magic og dili tiaw-tiaw ang maong kadaugan kay gilubong dayon sa Lakers ang Magic sa Game 1 sa ilang best-of-seven NBA Finals sa iskor, 100-75 diin nagmangtas si Kobe Bryant ug miburak dayon og finals career-high 40 puntos didto sa ilang balwarte sa Staples Center nga mao gihapo’y host sa Game 2 karong adlawa.

Maanindot sa sinugdanan kay ang Magic maoy naglabaw 24-22 apan dautan kini nga tilimad-on alang sa Magic kay ang Lakers aduna nay 44-0 nga baraha kung sila maoy naka-una’g daog sa Game 1 sa usa ka best-of-seven series.

Apan dihang akong gisubay og maayo ang duwa, naglibog ako kay si Dwight Howard wala kaayo’y foul unya igo lang mipuntos og 12 apan may 15 ka rebounds ug nagpraktis hinuon og free throw. Ang Magic gilubong og taga-liog apan sila maoy naglabaw sa bench scoring, 29-23 ug labaw pa gyud sa three-point field goal bisan sila gidimalas, 8-3. Sus no, unsa na kaha kung gidibuynas pa no? Dili sab tingali ang Lakers maoy molabaw sa three-point filed goal kung dibuynas pa ang Magic.

Nagduda ako nga pasakay lang kini sa Magic kay walay kalainan ang Lakers ug ang Cleveland Cavaliers ug kung aduna may kalainan, kini mao ang geographical situation, mga ngalan sa players ug coaches ug kung magpinilosopo pa gyud kita, ang spelling.

Ang Lakers adunay usa ka superstar nga kusog mo-iskor way lain si Bryant. Ang Cavs aduna say superstar nga si LeBron James apan ang Orlando dili pa kaayo matawag si Howard og superstar kay anaa may suporta nga dili mga superstar ang status.

Kung makatabla ang Magic, maglami gyud ang series. Ang Magic daku’g salig sa ilang theme song nga “You can do Magic”.

* * *

Kongreso o diskanso.

Mao kini ang gibutyag ni Mayor Wargong de Rama sa lungsod sa Boljoon nga ka-alyado sa administrasyon.
Matud pa ni Mayor de Rama nga kung dili siya mahinayon pagdagan pagka kongresista sa second district, dili na lang siya mosalmot sa bugnong lugaynon.

Karon tuiga maoy kataposang termino ni Mayor de Rama ug maoy iyang tumong ang Kongreso kay gusto niyang tiwason ang nasugdan apan naang-ang nga kalamboan sa Boljoon ilabi na sa mga infrastructure.
Nagkita kami ni Mayor de Rama sa ikaduhang higayon kaniadto lang Hunyo 2 atol sa adlaw'ng kasumaran sa sports leader ug magpapatigayon nga si Lorenzo “Chao” Sy, ang regional director sa Basketball Association of the Philippines (BAP).

Unang higayon nga nagkita kami ni Mayor de Rama may duha na ka tuig ang milabay atol sa inauguration sa ilang bag-ong gym sa Boljoon diin nagduwa og usa ka exhibition game and Tribu Sugbo batok sa Talisay Aqua Stars.

Sayo-sayo pa dihang miabot kami didto sa Boljoon ug mideretso kami didto dapit sa baybayon diin nahimutang ang maanindot kaayong ‘rest house’ ni Mayor de Rama.Didto kami mag-snack ug human sa duwa, didto sab kami manihapon sa maong rest house.

Si Mayor de Rama usa ka mahiligon sa sports ilabi na gyud sa basketball ug boxing. Matag tuig aduna gyu'y lega nga pagahimoon ang Boljoon pinaluyohan sa lokal nga kagamhanan aron mahimong alegre ang ilang kapistahan.

Si Mayor de Rama didto mismo sa Las Vegas, Nevada aron motan-aw sa away nila ni Manny Pacquiao ug Ricky Hatton ug didto siya puyo sa balay sa iyang igsoon sa Nevada. Nagkita sila didto si Gob. Rolando Yebes sa Zamboanga del Norte.

Nagkatakdo gyud ang dalan nilang Gob. Yebes ug Mayor de Rama. Si Gob. Yebes kanhi district collector sa Bureau of Customs dinhi sa Sugbo ug mahiligon kaayo sa duwang basketball ug bowling samtang si Mayor de Rama usa ka inila og bankable Customs broker.

Bulahan ang taga Boljoon nga aduna sila'y mayor nga sama ni Wargong de Rama ug karong umaabot nga May 10 election, iyang pangayuon og usab ang inyong suporta.

SG Miscellaneous. All classes in the private schools will officially start today. Welcome back to school to my kids Matt Erikson and Nicole who are studying at the University of San Carlos South Campus. Good luck to both of you.Congrats to Graham Lim for having been officially re-instated to the Federation Internationale de Basketball (FIBA ) or Internationall Basketball Federation Youth Commission as approved by the FIBA Central Board in Geneva, Switzerland throught its president Bob Elphinston and secretary-general Patrick Baumann.