GAT Naghari na sab

CEBU, Philippines - Subli na sab nga gipamatud-an ang kahawod sa Guadalupe Airsoft Team (GAT) pinaagi sa pagdominar sa 4th leg sa 1st Governor Gwen Garcia Airsoft Competition didto sa San Remigio Airsoft ground.

Ang GAT, kinsa maoy nidominar sa 1st leg sa Mandaue City, mihimo og halapad nga depensa nga maoy dakung papel sa ilang pagpukan sa Mandaue Airsoft Group (MAG) ug sa Danao Airsoft Team (Diablo) nga mi-okupar sa ikaduha ug ikatulo nga dapit.

Ang matag leg nakahaylo og 700 ka partisipante gikan sa 17 ka koponan.

Atol sa 2nd leg didto sa Moalboal, ang Deep Reacon, MAG ug SAAT maoy midaog sa unang tulo ka dapit.

Ang 5th leg ipahigayon didto sa Argao unya sa Hunyo 20-21, samtang ang ikaunom ug final leg gikatakda sa katapusang semana sa bulan sa Hulyo diha sa dakbayan sa Mandaue. - Yoyo R. Abayan (BANAT NEWS)