Cebu Niños unang mitusik og daog

CEBU, Philippines - Unang mitusik og daog ang defending National Champion M. Lhuillier-Cebu Niños dihang ilang gipukan ang host Trace-Laguna Stallions, 79-72 sa Game-1 sa ilang "best-of-five" semifinal sa 2009 Smart Liga Pilipinas Conference II niadtong Miyerkules sa gabii didto sa Trace College Gym sa Los Baños, Laguna.

Ang Cebu Niños igo lang nga milabaw og dos puntos paghuman sa ikatulong kuwarter, 54-52, apan sa pag-entra sa fourth period kalit kini mitubo ngadto sa 70-50 pinaagi sa pagpanginit ni Bruce Dacia uban sa sunod-sunod nga triples gikan nilang Stephen Padilla ug Ariel Mepana, 70-59 sa nahabiling 2:44 sa duwa.

Misuway og gukod ang Stallions ubos sa pagpangulo nilang Samuel Ekwe ug Jerwin Gaco, apan wala kini makalahutay kay sila si Woodrow Enriquez ug Padilla nangigo man sa free throw line aron pagpreserbar sa daog.

Si Dacia miposa og 20 puntos alang sa Cebu Niños ni businessman-sportsman Michel Lhuilier ug coach Raul 'Yayoy' Alcoseba. Gisundan ni Abby Santos sa iyang 19 puntos.

Ang naparot nga Stallions gipangulohan sab ni Gaco pinaagi sa iyang 19 puntos, samtang si Ekwe miabuno og 12 puntos.

Puntos Matag Usa

Cebu (79) - Dacia 20, Santos 19, Mepana 15, Enriquez 12, Padilla 5, Basco 4, Ababon 2, Dizon 2

Laguna - (72) - Gaco 19, Ekwe 12, Bolocon 11, Angeles 9, Villaver 8, Sanz 7, Doruelo 3, Ricafuente 2, Legaspi 1. – BANAT NEWS