Larima gimasaker sa Conor Express

CEBU, Philippines - Gimasaker sa Conor Express Freight Forwarders ni team owners Olive Paraguas ug Elmer Hamis ang Sitio Larima, 95-45 atol sa pagbukas sa Mambaling Basketball League (MBL) didto sa Ma. Gochan Sports Complex.

Ganado kaayo ang mga players sa Conor Express tungod sa presensiya ni Hamis ug ilang gibiyaan ang Larima, 23-7 sa first quarter. Ang Conor Express padayong mipabuhagay sa ilang mga opensiba hinungdan nga mitubo ngadto sa 25 puntos ang ilang labaw sa halftime, 45-20.

Ang Conor Express ni coach Dodoy Cuarto mikulit og 32 puntos nga labaw, 68-36 sa katapusang kuwarter nga naghatag kanila og kasiguroan pagsakmit sa maong kadaugan.

 Si Carl Jacaba maoy nangulo sa kadaugan pinaagi sa iyang 23, gisundan ni Van-van Las Piñas nga miamot og 21 puntos, samtang si Ben Gascon midugang og 14 puntos.

Ang 50 puntos nga lubong batok sa Larima nakulit sa rekord sa MBL isip labing dakung kadaugan sa usa ka team.

Si Dante Laurio maoy nangu sa Larima sa iyang 19 puntos ug gisundan ni Jay-P Taboada nga adunay 12 puntos.

Puntos Matag Usa

Conor Express (95) -Jacaba 23, Las Piñas 21, Gascon 14, Salem 9, Suerte 5, Temperatura 5, Enjambre 5, Ticoy 4, romeo 4, Marimat 3, Alarcon 2

Larima (45) - Laurio 19, Taboada 12, Dela Pedra 4, Masangya 4, tundag 4, Tabada 2. – BANAT NEWS