CEBU, Philippines - Gisubhan dayon og daog ang UTASSCO Utility, Park ‘N Go ug Ave Maria Sanctuary Park sa pagsugod sa Power Forty President’s Cup Summer League basketball tournament niadtong Martes didto sa Inayawan Sports Complex.
Mikulit og daog ang UTASSCO dihang ilang gipukan ang Water Market sa iskor nga 89-72.
Si Wilbor Cabrera maoy nangulo sa UTASSCO sa iyang 26 puntos, gisundan nilang Atty. Flor Yosores ug Alex Mercado nga pulos mikutlo og 16 puntos.
Ang president sa Power Forty nga si Vez Eleguin mikulit og career-high 34 puntos alang sa pilderong Water Market.
Mihaon sab og daog ang Park ‘N Go Bakeshop pinaagi sa paglubong sa Nelly’s Farm sa iskor nga 77-58.
Si Michael Arias miposte og 20 puntos aron pangulohan ang Park N' Go, samtang si Mark Lisondra miposte sab og 20 puntos aron pangulohan ang pilderong Nelly’s Farm.
Katapusang nidaog sa opening day mao ang Ave Maria human gipilde angwww.fedguns.ph sa iskor nga 97-92.
Si Gogo Fuentes maoy nangulo sa Ave Maria pinaagi sa iyang 32 puntos, samtang si Inayawan barangay councilor Mario Tabar mitampo og 17 puntos.
Sila si Bobong Rosal ug Tata Cabañero parehong mibahog og 20 puntos aron pangulohan ang www.fedguns.ph.
Puntos Matag Usa
Unang duwa:
UTASSCO (89) - Cabrera 26, Yosores 16, Mercado 16, Traya 10, Nacional 7, Abasolo 6, Labajo 4, Batac 2, B. Cabrera 2
Water Market (72) - Eleguin 34, dela Rama 14, Dumale 7, Genzon 4, Dacalos 2, Yosores 2, Abella 2
Ikaduhang duwa:
Park ‘N Go (77) - Arias 20, Ozon 14, Layon 10, Echavez 10, Dejarme 9, Rama 8, Lalican 4, Balbanera 2
Nelly’s Farm (58) - Lisondra 20, Vernaiz 14, Gabuya 6, Moniva 6, Reyes 6, Albaño 4, Abalo 2
Ikatulong duwa:
Ave Maria (97) - Fuentes 32, Tabar 17, Mosqueda 16, Abasolo 13, Navares 8, Romarez 5, Labajo 3, Ocampo 3
www.fedguns.ph (92) - Rosal 20, Cabañero 20, Ibones 17, Javierto 9, Nacario 6, Abadejos 4, Yu 2. – BANAT NEWS