Vernel mipukan sa Conor sa BERBA caging

CEBU, Philippines - Miugkat si Michael Arias ug three-point artist Dodong Lopez og 15 puntos matag usa alang sa    Vernel Aroma Therapy, kinsa mipilde sa Conor Express Freight Forwarders, 98-83 ni team owners Olivia Paraguas ug Elmer Hamis niadtong Domingo   sa nagpadayong Better-Run Basketball Association (BERBA) basketball tournament didto sa Ma. Gochan Sports Complex sa barangay Mambaling, ning siyudad.

Ang Vernel ni playing coach Danny Duran maoy nidominar sa tibuok duwa ug gani miposte kini sa ilang labing dakung labaw sa iskor nga 61-37 sa halftime .

Laing upat ka players sa Vernel ang mi-iskor sab og double figures nga naglakip nila ni Cito Campos, Bay Villarta, Burt Tabalin ug Rudy Cuizon.

Ang power forward nga si Junrey Ledesma ug ang kusgang sentro nga si Dave Unabia maoy nangulo sa Conor Express ni coach Dodong Cuarto.

Si Ledesma mipupo og 30 puntos, samtang si Unabia miani og 17 puntos.

Ang Vernel nagbitbit karon og 7-2 nga baraha ug nagsawo sa liderato uban sa Sitio Colveta, samtang ang Conor midailos ngadto sa 6-3 nga baraha.

Sa laing duwa, ang Colveta midaog batok sa Left Over sa iskor nga 96-86.

Si Walas Vergara maoy nangulo sa Colveta pinaagi sa iyang 30 puntos, samtang si Dodong Millior mirehistro og career-high 34 puntos aron pangulohan ang Left Over nga adunay 2-6 nga baraha.

Puntos Matag Usa

Unang duwa:

Vernel (98) - Arias 15, Lopez 15, Campos 13, Villarta 12, B. Tabalin 11, Cuizon 10, Ceballos 8, Duran 4, Gador 2, Martillan 2, Mosqueda 2, Carcueva 2, Dimitiman 2

Conor (83) - Ledesma 30, Unabia 17, E. Tabalin 13, Ocañada 12, Albaño 4, Pumareja 3, P. Tabalin 2, Romeo 2

Ikaduhang duwa:

Colveta (96) - Vergara 30, Dy 11, Macion 10, Tradio 9, Fernandez 8, Abrera 6, Quiño 6, Zandry 6, Paez 4

Left Over (86) - Millior 34, Salasa 18, Medalla 10, Manguinsay 7, Cañete 6, Cabreros 4, Culanag 2, R. Fernandez 2, Alarcon 2, Llamado 1. – BANAT NEWS